WSJ падзялілася дэталямі плана Трампа наконт вайны ва Украіне
У пераходнай адміністрацыі Дональда Трампа абмяркоўваюць новы сцэнар завяршэння канфлікту паміж Расіяй і Украінай, піша The Wall Street Journal.
Дональд Трамп. Фота: Manuel Balce Ceneta / AP
План складаецца з наступных пунктаў.
Цяперашняя лінія фронту замарожваецца, па ўсёй працягласці аб'яўляецца дэмілітарызаваная зона.
Хто будзе гарантаваць яе бяспеку — пакуль невядома, але адзін з суразмоўцаў газеты выключыў задзейнічанне амерыканскіх войскаў або кантынгентаў ААН ці арганізацый, якія фінансуюцца ЗША.
Украіна адмовіцца ад планаў уступіць у НАТА яшчэ як мінімум 20 гадоў.
За гэта ЗША працягнуць забяспечваць яе ўзбраеннямі.
«Мы можам навучаць вайскоўцаў і аказваць іншую падтрымку, але займацца гэтым будуць у першую чаргу краіны Еўропы. Мы не пасылаем амерыканскіх мужчын і жанчын падтрымліваць мір на Украіне. І мы не плацім за гэта. Паспрабуйце прапанаваць палякам, немцам, брытанцам і французам гэтым заняцца», — сказаў член каманды рэспубліканца на ўмовах ананімнасці.
Чытайце таксама:
Калі Украіна захавае суверэнітэт узамен за нейтральнасць, што гэта будзе значыць для Беларусі?