Лукашэнка адпомсціў Дуду за адмову фатаграфавацца
Канал прэс-службы Лукашэнкі вырашыў звярнуцца да помсты.
Фота: «Пул першага»
Прэзідэнт Польшчы Анджэй Дуда напярэдадні адмовіўся ўдзельнічаць у «сямейным фота» лідараў, якія прыехалі на кліматычны саміт у Баку. Прычынай стаў удзел у фатаграфаванні Лукашэнкі.
Канал «Пул першага» вырашыў абыграць гэты момант і апублікаваў фота «помсты» палітыка польскаму лідару. Выглядае гэта на ўзроўні пачатковай школы.
На здымку бачна, што падчас выступу Дуды на саміце Лукашэнка размаўляе з прэзідэнтам Гвінеі-Бісау Амару Сісоку Эмбала.
@nashaniva Лукашэнка адпомсціў Дуду за адмову фатаграфавацца #лукашенко #дуда #беларусь #польша #польшча #минск #варшава #саммит #климат #собрание #политика #новости #навіны ♬ Downtown Nonsense - Mark Fabian & Alexander Smith & George King & RK Masters
«У момант выступу зніклага з family-фота Дуды… Не, ну без крыўд — калі яшчэ пагутарыць з прэзідэнтам Гвінеі-Бісау… так, каб тры хвіліны з карысцю», — так падпісана фатаграфія.
Дарэчы, Дуда не ўпершыню адмовіўся ўдзельнічаць у сумесным фота з Лукашэнкам. Летась на аналагічным кліматычным саміце ад «сямейнага фота» разам з ім адмовіліся таксама прэзідэнты Літвы і Латвіі.
Чытайце таксама:
Дуда адмовіўся ўдзельнічаць у агульным фота лідараў на саміце ў Баку — праз Лукашэнку