У Турцыі прапалі дзве беларускія альпіністкі
16 лістапада дзве сястры адправіліся ў паход у Нацыянальны парк Едыгелер, праз некаторы час сувязь з імі перапынілася.
У Турцыі пачаліся пошукі дзвюх беларускіх альпіністак-сясцёр Валянціны і Марыі Іванковых, якія зніклі ў раёне горнага хрыбта Аладаглар каля населенага пункта Чамарды (іль Нігдзе ў цэнтральнай частцы краіны), паведамляе «Позірк» са спасылкай на Haberturk.
Паводле інфармацыі медыя, 16 лістапада сёстры адправіліся ў паход у Нацыянальны парк Едыгелер, праз некаторы час сувязь з імі перапынілася.
У рэгіён былі накіраваны пошукавыя групы ўпраўлення па надзвычайных сітуацыях і ліквідацыі наступстваў стыхійных бедстваў МУС Турцыі, а таксама жандармерыі.
Пошукава-выратавальныя работы вядуцца як з паветра, так і з зямлі.