У Беларусі следам за Расіяй заблакавалі папулярны сайт з фанфікамі
Мяркуючы па ўсім, Мінінфарм знайшоў там «прапаганду нетрадыцыйных стасункаў».
У Беларусі заблакавалі сайт «Фікбук»— гэта найбуйнейшая рускамоўная бібліятэка фанфікаў, гэта значыць фанацкіх твораў па матывах папулярных твораў і франшыз.
Ніякіх афіцыйных паведамленняў пра блакаванне не было, аднак аказалася, што доступ да сайта быў абмежаваны рашэннем Мінінфарма, піша «МП».
Яшчэ ў ліпені сайт заблакавалі і ў Расіі, угледзеўшы ў фанфіках «прапаганду ЛГБТ». Мяркуючы па ўсім, па той жа прычыне сайт цяпер недаступны і ў Беларусі.
Яшчэ 19 сакавіка Мінкульт унёс змены ў Інструкцыю аб парадку абыходжання з эратычнай прадукцыяй. Папраўкамі ўвялі забарону на распаўсюд і рэкламу матэрыялаў, якія прапагандуюць «нетрадыцыйныя сэксуальныя адносіны». Рашэнні аб забароне прымае спецыяльная рэспубліканская экспертная камісія.
Чытайце таксама:
Мінінфарм забараніў распаўсюджваць у Беларусі 35 друкаваных выданняў. Што за яны — пакуль загадка