У Мазыры хлопец трапіў у жудасную пастку, калі спаў: спружына матраца ўпілася яму ў нагу
Давялося выклікаць МНС.
Фота: МНС
Гэта здарылася ў адным з інтэрнатаў у Мазыры. 19-гадовы хлопец перажыў сапраўдны начны кашмар, але наяве. Ён спакойна спаў у сваім ложку, а прачнуўшыся, зразумеў, што не можа паварушыць нагой.
Выявілася, што ў яго нагу ўпілася спружына матраца. Самастойна вызваліцца хлопец не змог і выклікаў МНС. Ратавальнікі вымушаны былі выкарыстоўваць пласкагубцы, каб вызваліць нагу.
Пасля таго, як спружыну ўдалося выцягнуць, хлопца шпіталізавалі.