У Беларусі з'явіліся дарожныя знакі на сонечных батарэях
У Віцебскай вобласці з'явіліся святлодыёдныя пано, якія папярэджваюць аб магчымым выхадзе дзікіх жывёл, распавялі ў «ДАІ Віцебшчыны».
Знакі ўсталявалі на трасе М-8 мяжа Расійскай Федэрацыі — Віцебск — Гомель — мяжа Украіны.
Папярэджваюць пра дзікіх жывёл у Аршанскім раёне на 141-м, 168-м і 176-м кіламетрах.
Нядаўна падобную святлодыёдную таблічку ўсталявалі на трасе М-5 Мінск — Гомель.
Такія знакі аўтаномныя. Яны добра бачныя ў цемры. Гэта асабліва важна ў самы небяспечны час — перад світаннем і ў прыцемках. Пано аснашчаны сонечнай батарэяй з акумулятарам для сілкавання святлодыёдаў.