У Беразіне машына насмерць збіла нецвярозую жанчыну
Аўтамабіль Mazda збіў у райцэнтры Беразіно жанчыну, якая ад атрыманых траўмаў загінула.
Фота: t.me/minobl_uvd
«51-гадовы мясцовы жыхар, кіруючы аўтамабілем Mazda, рухаючыся па вул. Аляшкевіча, здзейсніў наезд на 70-гадовую мясцовую жыхарку, якая перасякала праезную частку дарогі справа налева па ходзе руху аўтамабіля», — паведамілі ва УУС Мінскага аблвыканкама.
У выніку жанчына, якая меркавана знаходзілася ў стане алкагольнага ап'янення, ад атрыманых траўмаў памерла на месцы здарэння.