Ад заўтра ў Беларусь можна будзе заязджаць па расійскіх візах
10.01.2025 / 19:21
З 11 студзеня 2025 года ў сілу ўступае пагадненне паміж Беларуссю і Расіяй аб узаемным прызнанні віз, паведамляе Міністэрства замежных спраў. Гэта значыць, што іншаземцы, якія маюць візу адной з краін, змогуць свабодна ўязджаць і перамяшчацца па тэрыторыі іншай.
Фота ілюстрацыйнае
Адпаведнае пагадненне было падпісана ў чэрвені 2020 года, але дзейнічаць пачынае толькі цяпер.
Замежным грамадзянам з візамі адной з краін цяпер не трэба будзе асобна афармляць візу для іншай, калі яны захочуць наведаць абедзве краіны. Акрамя таго, калі турыст прыязджае з трэцяй краіны, яго тэрмін знаходжання будзе адлічвацца з моманту перасячэння мяжы адной з дзяржаў.
Дзеянне пагаднення не распаўсюджваецца на іншаземцаў з абмежаваннямі на ўезд.
Паміж Беларуссю і Расіяй ёсць шэсць памежных пунктаў, дзе іншаземцам можна будзе перасякаць мяжу.
Чытайце таксама:
Wizz Air адмовіў беларусцы з польскім праязным дакументам у пасадцы на рэйс на Кіпр