Беларусаў перад выбарамі прымушаюць падпісаць гэты дакумент
Там папярэджваецца пра адказнасць за «экстрэмісцкую дзейнасць».
Перад выбарамі беларусаў, з якімі сілавікі праводзяць прафілактычныя гутаркі, прымушаюць падпісаць дакумент «аб недапушчальнасці парушэння закона». Там папярэджваецца пра адказнасць за «экстрэмісцкую дзейнасць». Асаблівая ўвага нададзеная ч. 1 арт. 361 КК (заклікі да дзеянняў, скіраваных на прычыненне шкоды нацыянальнай бяспецы Рэспублікі Беларусь), паведамляе «Вясна».
Паведамляецца, што людзі могуць абскардзіць гэтае папярэджанне ў вышэйстаячага кіраўніка пракуратуры.
Вядома, што такія паперы прымушаюць падпісваць беларусаў па ўсёй краіне.
«Наша Ніва» паведамляла, што вялізную колькасць людзей выклікаюць у міліцыю, аддзелы кадраў, дэканаты перад выбарамі.