У Германіі мужчына зачапіўся за цягнік і 20 хвілін ехаў з хуткасцю 280 кіламетраў у гадзіну
40-гадовы мужчына выжыў пасля таго, як праехаўся звонку хуткаснага цягніка ў Германіі. Ён выпадкова апынуўся на аўтасчэпцы паміж вагонамі, паведамляе The Guardian.
Здымак ілюстрацыйны. Фота: freepik.com
Пасажыр, які прыехаў з Венгрыі, курыў на платформе ў Баварыі, калі дзверы цягніка зачыніліся, у выніку ён вырашыў заскочыць на аўтасчэпку. Пазней ён патлумачыў паліцэйскім, што адважыўся на гэты адчайны ўчынак з-за багажу, які застаўся ў вагоне.
Гаворка ідзе пра цягнік Intercity Express, які ідзе праз усю краіну — з Мюнхена ў Любек. Мужчына на працягу 20 хвілін ехаў звонку цягніка з хуткасцю 280 кіламетраў у гадзіну. Праехаўшы так 32 кіламетры, відавочцы заўважылі пасажыра і паведамілі экіпажу.
Паліцыя ўдакладняе, што ў мужчыны не было дзейнага білета. Супраць яго вядуць расследаванне адносна безбілетнага праезду і дзеяннях, якія парушаюць нармальную працу прадпрыемства.
Пасажыраў заклікалі пазбягаць падобных «небяспечных для жыцця глупстваў».
Чытайце таксама:
У Мінску разбіраюць цягнік над «Гарызонтам» — адзін з самых знакавых арт-аб'ектаў горада
«Дыямент, тры разы вымыла праходы». Правадніца чыгункі прывяла ў захапленне пасажыраў