У гэтым годзе плануюць адрамантаваць менш сталічных дарог, чым у 2024-ым
У 2025 годзе зменшыцца аб'ём рамонту сталічных вуліц, але запланавана закупка вялікага аб'ёму спецыялізаванай тэхнікі.
У Мінску ў 2025 годзе плануюць абнавіць больш за 1,5 млн кв. метраў вулічна-дарожнай сеткі, паведамляе СТВ.
У 2024 годзе ў Мінску было адрамантавана амаль 2 млн кв. — гэта рэкорд за апошнія дзесяць гадоў.
Максім Белавус, генеральны дырэктар «Гаррамаўтадара Мінгарвыканкама» адзначыў, што ў 2025 годзе запланавана закупка вялікага аб'ёму спецыялізаванай тэхнікі для добраўпарадкавання Мінска.