У парку імя Уга Чавеса ў Мінску можа з’явіцца каток
У парку імя Уга Чавеса, размешчаным у раёне Каменнай Горкі, плануецца стварэнне катка. Пра гэта журналістам распавяла намеснік генеральнага дырэктара па добраўпарадкаванні і ўтрыманні аб’ектаў зялёнай гаспадаркі «Мінскзелянбуда» Кацярына Кароткіна.
Парк імя Уга Чавеса. Фота: Мінск-навіны
На дадзены момант завершана праектаванне чацвёртай чаргі рэканструкцыі парка. Пачатак будаўнічых работ запланаваны на вясну-лета.
Чацвёртая чарга будзе ў асноўным прысвечана спартыўнай тэматыцы. У парку, акрамя катка, з’явяцца пляцоўкі для воркаўту.