Паўночнакарэйскіх салдат адводзяць ад лініі фронту ў Курскай вобласці
Паводле інфармацыі ўкраінскіх вайскоўцаў, у адным з выпадкаў паўночнакарэйцы выпадкова атакавалі расійскія пазіцыі.
Фота: Russian Defense Ministry Press Service photo via AP, File
Паўночнакарэйскія вайскоўцы адышлі з лініі фронту ў Курскай вобласці, паведаміў Sky News са спасылкай на ўкраінскага камандзіра з пазыўным Пульс.
Згодна са словамі камандзіра, адыход вайскоўцаў КНДР быў зафіксаваны каля двух тыдняў таму. Зараз у баях удзельнічаюць толькі расійскія войскі.
Перахопленыя размовы расійскіх вайскоўцаў сведчаць аб тым, што паўночнакарэйцы вернуцца на фронт пасля аналізу памылак, лячэння або атрымання падмацавання.
Паводле інфармацыі ўкраінскіх вайскоўцаў, у адным з выпадкаў паўночнакарэйцы выпадкова атакавалі расійскія пазіцыі.
Украінскія вайскоўцы адзначаюць, што паўночнакарэйскія салдаты добра падрыхтаваныя і вытрыманыя, але слаба адаптаваныя да сучаснай вайны з выкарыстаннем беспілотнікаў. Абсталяванне лепшае, чым у расійскіх войскаў, але мінімальная колькасць запасаў для выжывання падкрэслівае разлік на хуткае захопліванне пазіцый праціўніка.