Загружаны мост у цэнтры Мінска закрыюць для руху да наступнай зімы
Пуцеправод паміж вуліцай Маскоўскай і праспектам Незалежнасці закрыюць з 10 лютага да 1 снежня.
Фота: Мінск-навіны
Рух транспартных сродкаў па мосце будзе забаронены з 00:00 10 лютага да 00:00 1 снежня ў сувязі з правядзеннем яго капітальнага рамонту з мадэрнізацыяй, пішуць «Мінск-навіны».
Акрамя таго, часовае абмежаванне руху транспарту ўвядуць на ўчастку вул. Бабруйскай ад вул. Ленінградскай да вул. Мяснікова з 00:00 10 лютага да 00:00 31 кастрычніка.
У дзейныя маршруты грамадскага транспарту будуць унесены нязначныя змены, месцы прыпынкаў застануцца ранейшымі.