На МКАД сутыкнуліся два грузавікі і легкавік. Загінуў кіроўца фуры
Аварыя адбылася ў сераду каля 09:50 на 10-м кіламетры вонкавага кальца МКАД, паведамляе ДАІ.
Фота: ДАІ
«Адбылося сутыкненне сядзельных цягачоў Renault, DAF і легкавога аўтамабіля Renault», — паведамілі ў ДАІ.
55-гадовы кіроўца адной з фур загінуў ад атрыманых цяжкіх траўмаў.
МНС паведаміла, што на момант дэблакіроўкі з кабіны кіроўца яшчэ быў жывы, але знаходзіўся без прытомнасці.