Выжылых на борце самалёта, што разбіўся ў Вашынгтоне, няма. У самалёце было некалькі фігурыстаў
Усе 64 чалавекі загінулі.
Фота: Julio Cortez / AP
Выжылых на борце самалёта, што ўпаў у Вашынгтоне, няма. Усе 64 чалавекі загінулі.
На борце знаходзіліся мінімум 14 фігурыстаў і трэнеры, у тым ліку расійскія фігурысты Яўгенія Шышкова і Вадзім Навумаў, — чэмпіёны свету 1994 года.
Імаверна, яны ляцелі з Уічыта (Канзас) у сталіцу ЗША. Ва Уічыта праходзіў чэмпіянат ЗША па фігурным катанні.
Самалёт пры заходзе на пасадку ў аэрапорце Рональда Рэйгана сутыкнуўся з вайсковым верталётам і ўпаў у раку Патамак.
Пры падзенні борт раскалоўся на дзве часткі. Пошукавую аперацыю ўскладняе дрэннае надвор'е.
Чытайце таксама:
У Вашынгтоне ўпаў пасажырскі самалёт, сутыкнуўшыся з верталётам. На борце былі 64 чалавекі