Ва Узброеных сілах — праверка баявой гатоўнасці. Будзе прызыў з запасу
Ва Узброеных сілах пачынаецца праверка баявой гатоўнасці. Кіраўнік праверкі: начальнік Генеральнага штаба — Павел Муравейка, паведамляе Мінабароны.
Ілюстрацыйнае фота Мінабароны
У ходзе праверкі будзе ацэньвацца гатоўнасць і здольнасць механізаваных часцей і падраздзяленняў выконваць задачы па прызначэнні.
Паведамляецца, што байцам, у тым ліку ваеннаабавязаным з запасу, трэба будзе выканаць «увесь комплекс мерапрыемстваў па падрыхтоўцы ўзбраення, ваеннай і спецыяльнай тэхнікі да ўжывання, выйсці ў прызначаныя раёны».
Асноўныя практычныя дзеянні будуць праходзіць пры правядзенні вучэнняў і трэніровак рознага маштабу на палігонах і незнаёмых участках мясцовасці.
У ходзе праверкі запланавана перамяшчэнне вайсковай тэхнікі, магчыма часовае абмежаванне руху грамадзянскага транспарту па дарогах агульнага карыстання і ўчастках мясцовасці.