У хаскі-парку пад Мінскам адбыўся пажар. Загінула некалькі жывёл
У Калодзішчах пад Мінскам у ноч на нядзелю адбыўся буйны пажар.
Пра гэта паведамляецца ў Instagram хаскі-парку.
«Зараз напэўна магу сказаць вам як нам балюча было сёння, хоць мы вельмі стараліся каб вы нават не заўважылі, што мы не спалі ноччу і спрабавалі выратаваць тых хто ацалеў! Усё дрэнна, мы вельмі спалохаліся, і загінулі ўсе мае коцікі, выжыў толькі Фелікс, якога я забрала з-пад Еўраопта, я пра гэта распавядаю толькі гасцям нашым частым, усе каго не атрымліваецца прыстроіць, жывуць з намі і вось такое гора…» — паведамляецца ў інстаграме парка.
Іншых жывёл у гадавальніку, сабак і коней, удалося выратаваць, аднак згарэла стайня — гаспадары адкрылі збор на яе аднаўленне.