У Мінску гарэў новы тралейбус МАЗ — ВІДЭА
Узгаранне тралейбуса зафіксавалі відавочцы ў Чыжоўцы.
Інцыдэнт адбыўся 9 лютага на вуліцы Ташкенцкай. На відэа ў сацсетках відаць, што ўзгаранне адбылося на даху тралейбуса МАЗ.
Кіроўца спрабаваў справіцца з пажарам самастойна. Ён падняўся на дах з вогнетушыцелем і змагаўся з узгараннем.
Мяркуючы па відэа, загарэлася новая мадэль тралейбуса МАЗ, якая нядаўна паступіла ў сталічныя тралейбусныя паркі.