У Пінску рыбак напаў на 13-гадовага школьніка
Здарэнне адбылося на гарадской набярэжнай.
Інцыдэнт адбыўся на пешаходнай дарожцы, дзе дзеці каталіся на самакатах і роварах. Паводле інфармацыі абласной міліцыі, 41-гадовы мужчына схапіў 13-гадовага падлетка за адзенне, ударыў каленам у грудзі і кінуў на лаўку.
Пасля міліцыя затрымала нападніка. Ім аказаўся раней судзімы, непрацуючы мужчына, які ў той дзень лавіў рыбу на набярэжнай. Што менавіта вывела яго з сябе — няўдалая рыбалка ці смех дзяцей — ён сам патлумачыць не змог.
Заведзена крымінальная справа за хуліганства.