Да «Акрэсціна» цяпер не даехаць
Прыпынак грамадскага транспарту «Вуліца Прылуцкая» на праспекце Дзяржынскага ў Мінску пры руху ў бок вуліцы Гурскага з 15 сакавіка часова закрываецца, паведамілі ў КУП «Мінсктранс».
Высадка і пасадка пасажыраў на гэтым прыпынку не будзе ажыццяўляцца на перыяд рэканструкцыі праспекта Дзяржынскага.
Нагадаем, што рэканструкцыя праспекта праводзіцца паралельна з будаўніцтвам новых станцый першай лініі Мінскага метрапалітэна. Гэты ўчастак плануецца ўвесці ў эксплуатацыю ў 2012 годзе. У гэтым напрамку з’явяцца тры новыя станцыі: «Міхалова», «Грушаўка», «Пятроўшчына».