Дзяржсакратар ЗША сустрэнецца з Лаўровым у Эр-Рыядзе
Дзяржсакратар ЗША Марка Рубіа прыбыў з візітам у Саудаўскую Аравію перад запланаванымі ў краіне перамовамі аб міры ва Украіне паміж Вашынгтонам і Масквой. Яны прызначаныя на 18 лютага.
У суботу Рубіа і Лаўроў пагаварылі па тэлефоне
Як паведаміла ў панядзелак прэс-служба Крамля, з расійскага боку ў сустрэчы возьмуць удзел міністр замежных спраў Сяргей Лаўроў і памочнік прэзідэнта Расіі Юрый Ушакоў. Дэлегацыя таксама прыбудзе ў краіну ў панядзелак.
Агенцтва Associated Press і выданне Axios сцвярджаюць са спасылкай на ананімнага чыноўніка, што з боку ЗША ў перамовах у Эр-Рыядзе таксама возьмуць удзел дарадца ў нацыянальнай бяспецы Майкл Уолтц і спецыяльны пасланнік Стыў Уіткаф.
Цяпер не зразумела, ці будуць да размовы ў Саудаўскай Арабіі прыцягнутыя прадстаўнікі Украіны. Магчыма, што іх не паклічуць — спачатку Вашынгтон хоча правесці сустрэчы з бакамі паасобку.
Чытайце таксама:
Брытанія можа адправіць войскі ва Украіну для падтрымання міру