У інстаграме можа з'явіцца кнопка дызлайка
Пакуль што новую функцыю тэсціруюць, паведаміў кіраўнік сацсеткі Адам Мосэры.
«Дызлайк» можа з'явіцца побач з кожным каментарыем у стужцы і ў Reels.
Па словах Мосэры, новая сістэма павінна дапамагчы з бачнасцю выказванняў. Чым больш дызлайкаў на каментарыі, тым ніжэй ён будзе знаходзіцца ў абмеркаванні. Па такому ж прынцыпу працуе сацсетка Reddit.
Пры гэтым ніхто не будзе бачыць ні аўтараў дызлайкаў, ні іх колькасць.
«Гэта дае людзям прыватны спосаб выказацца, што яны незадаволеныя гэтым канкрэтным каментарыем», — напісаў Мосэры.