У 43 гады памёр былы ідэолаг кобрынскай міліцыі
Падпалкоўнік Андрэй Дарагакупец пакінуў пасаду нядаўна.
Андрэй Дарагакупец. Фота: vkobrine.by
У пачатку тыдня раптоўна памёр 43-гадовы падпалкоўнік міліцыі Андрэй Дарагакупец. Па стане на 2023 год ён быў намеснікам начальніка Кобрынскага РАУС па ідэалогіі і кадравай працы, аднак пасля пакінуў пасаду.
Агулам жа Дарагакупец працаваў у кобрынскай міліцыі яшчэ з 2000-х.
Андрэй Дарагакупец. Фота: vkobrine.by
«Заўсёды буду памятаць яго дабрыню і прыстойнасць. Ён і дзеткам хворым дапамагаў… І сам захварэў…» — напісала ў інстаграме старшыня праўлення кобрынскай дабрачыннай арганізацыі «Міласэрнасць» Наталля Кавалёва-Насачэнка.