Падчас тушэння пажару ў Івацэвіцкім раёне памёр начальнік пажарнай службы
Васіль Лобан разам з калегамі накіраваўся на пажар, дзе адчуў сябе кепска.
Падчас тушэння ляснога пажару ў Спораўскім лясніцтве Івацэвіцкага доследнага лясгаса пайшоў з жыцця начальнік пажарна-хімічнай станцыі Васіль Лобан, паведамляе Мінлясгас.
Напярэдадні Васіль Лобан адзначыў сваё 64-годдзе. Больш за палову жыцця ён прысвяціў служэнню лясной гаспадарцы: 35 гадоў прапрацаваў у Івацэвіцкім вопытным лясгасе, з якіх апошнія 4 гады — начальнікам ПХС. У лясгасе доўгі час працавала і ягоная жонка, паведамляе афіцыйны тэлеграм-канал ведамства.
Вядома, што Васіль Лобан разам з калегамі накіраваўся на пажар, дзе адчуў сябе кепска.
— Ён застанецца ў нашай памяці як шчыры, спагадлівы, адказны чалавек, прафесіянал сваёй справы, — падзяліліся калегі Васіля Лобана.