У Літве на мяжы з Беларуссю пасля вучэнняў зніклі чацвёра амерыканскіх вайскоўцаў
Абноўлена
На палігоне каля літоўскага Падброддзя на мяжы з Беларуссю пасля вучэнняў зніклі чацвёра амерыканскіх вайскоўцаў. Разам з імі знік гусенічны транспартны сродак, паведамляе Delfi.
Ілюстрацыйны здымак. Фота: Мінабароны Літвы
«Меркаванае месца здарэння ўстаноўлена, вядуцца пошукава—выратавальныя працы», — паведаміў прадстаўнік літоўскага войска маёр Гінтаўтас Цюніс.
Інфармацыю пра здарэнне паліцыя атрымала ў аўторак у 19:19. Раней паведамлялася, што на вучэннях зніклі тры вайскоўцы.
Пры якіх абставінах зніклі вайскоўцы на аўтамабілі, невядома.