Памёр музыка Сяргей Кныш
Пра смерць Сяргея «Боршч» Кныша з гурта «Бонда» паведамілі яго сябры ў фэйсбуку.
Сяргей Кныш. Фота: сябры музыкі
Сяргей Кныш быў бубначом у адным з першых беларускіх рок-гуртоў «Бонда». Калектыў праіснаваў з 1980 па 1989 год.
Пасля распаду «Бонда» Кныш пачаў выступаць з іншай беларускай рок-групай ULIS.
Мянушка «Боршч» прычапілася да Сяргея Кныша са студэнцкіх часоў, калі ён вельмі любіў есці гэтую страву ў сталовай. Вучыўся беларус у Беларускім дзяржаўным тэатральна-мастацкім інстытуце. У яго была жонка і дачка.
Абставіны яго смерці невядомыя.