Беларусь атрымае першую пару знішчальнікаў СУ-30СМ2 у канцы мая
Беларускія ваенна-паветраныя сілы ў маі 2025 года атрымаюць першую пару знішчальнікаў Су-30СМ2, паведамляе СТБ.
Фота: Мінабароны Расіі
У парадзе, які прайшоў у Мінску 9 мая, удзельнічалі расійскія знішчальнікі Су-30СМ. А неўзабаве беларуская армія атрымае новыя Су-30СМ2.
«Мы літаральна ў бліжэйшы час, нават у канцы мая, атрымаем ужо першую пару Су-30СМ-2. Самалёты больш удасканаленыя, маюць сучасную авіёніку», — сказаў камандуючы ВПС і войскамі СПА Узброеных сіл Андрэй Лук'яновіч.
Ён удакладніў, што ў гэтых самалётаў магчымасці зусім іншыя, у тым ліку прымяненне авіяцыйных сродкаў паражэння.