Януковіч ліквідаваў камісію па падрыхтоўцы Украіны да ўступлення ў NATO
Пра гэта гаворыцца ва ўказе кіраўніка дзяржавы ад 2 красавіка.
Віктар Януковіч ліквідаваў міжведамасную камісію па пытаннях падрыхтоўкі Украіны да ўступлення ў NATO. Пра гэта гаворыцца ва ўказе кіраўніка дзяржавы ад 2 красавіка, тэкст якога размешчаны сёння на прэзідэнцкім сайце.
Іншым указам Януковіч ліквідаваў нацыянальны цэнтр па пытаннях еўраатлантычнай інтэграцыі і вызваліў Уладзіміра Гарбуліна ад выканання абавязкаў яго старшыні.
Міжведамасная камісія па падрыхтоўцы Украіны наконт уступлення ў NATO і нацыянальны цэнтр па пытаннях еўраатлантычнай інтэграцыі быў створаны ў 2006 годзе за часамі прэзідэнта Віктара Юшчанкі.