Карткі некаторых банкаў не будуць працаваць у ноч на 9 жніўня
Карткі некаторых банкаў могуць не працаваць у ноч на 9 жніўня. Гэта звязана з правядзеннем Банкаўскім працэсінгавым цэнтрам тэхналагічных работ.
Як праінфармавалі ў Беларусбанку, з 00:00 да 5:00 9 жніўня магчымыя кароткачасовыя перапынкі ў абслугоўванні трымальнікаў плацежных картак банка ў сетцы арганізацый гандлю (сэрвісу), пунктах выдачы наяўных, банкаматах і прыладах самаабслугоўвання банка.
Такую ж інфармацыю размясцілі акцыянерныя таварыствы «Сбер Банк», «Банк Дабрабыт», «Парытэтбанк», «Банк Рашэнне», «Неа Банк Азія».