Уладзімір Арлоў у Гродне — 20 красавіка
Запрашаем на сустрэчу з Уладзімірам Арловым, якая адбудзецца ў Гродна 20 красавіка (аўторак) па адрасе: Будзёнага 48а, зала 69 (карацейшы шлях на падыходзе да будынку і ў самім будынку будзе пазначаны стрэлкамі).
Аўтар прывязе з сабой чарговае перавыданне «Імёны Свабоды», новую паэтычную кнігу «Усё па‑ранейшаму, толькі імёны змяніліся», а таксама ўсе свае аўдыёкнігі, у тым ліку «Адкуль наш род».
Пісьменнік наведае наш горад пасля амаль трохгадовага перапынку. Нагадаем, што прыканцы сакавіка Уладзімір Арлоў стаў першым пераможцам агульнаеўрапейскага конкурса «Еўрапейскі паэт свабоды».
Пачатак сустрэчы з Уладзімірам Арловым — 19.00,
Адрас: Будзёнага 48а, зала 69.