Выстаўлена на аўкцыён кватэра актывіста-эмігранта Яўгена Вільскага
В.а. старшыні «Народнай грамады» Яўген Вільскі быў завочна асуджаны ў мінулым годзе на 12‑гадовы тэрмін са штрафам 480 тысяч рублёў.
Цяпер на аўкцыёне з’явіўся лот з яго 3‑пакаёвай кватэрай у наваполацкім 10‑павярховым доме, паведамляе тэлеграм-канал «Віцебск, я гуляю».
У лоце ўказана, што ў кватэры зарэгістравана тры асобы. Стартавая цана — 141 710 рублёў.