Сабаленка скончыць год у рангу першай ракеткі свету
У Арыны — 10 870 рэйтынгавых балаў, у Ігі Свёнтак, што ідзе на другім месцы, — 8 395. На трэцім месцы Како Гаўф з 6 763 баламі.
Фота: Robert Prange/Getty Images
Арына ў гэтым годзе перамагла на трох турнірах і выйграла Адкрыты чэмпіянат ЗША па тэнісе.
Усяго ў яе кар'еры 21 тытул на турнірах, дзве перамогі на Адкрытым чэмпіянаце Аўстраліі.
Званне першай ракеткі свету Арына трымае з кастрычніка мінулага года.
У суботу яна прайграла фінал Выніковага турніру, саступіўшы Алене Рыбакінай.