У Мінску рабочага засыпала грунтам
На мінскай вуліцы Кульман адбыўся няшчасны выпадак падчас будаўнічых работ. Падчас пракладкі сістэмы каналізацыі аднаго з рабочых нечакана засыпала грунтам, паведаміла прэс-служба МНС.
Скрыншот з відэа
На месца здарэння хутка прыбылі ратавальнікі МНС. Яны з дапамогай шанцавага інструмента асцярожна адкапалі мужчыну і дасталі яго з-пад зямлі.
Пасля гэтага пацярпелага перадалі брыгадзе хуткай дапамогі. Медыцынскія работнікі даставілі яго ў бальніцу. Падрабязнасці здарэння і стан пацярпелага пакуль удакладняюцца.