Ютуб выдаліў канал Аляксея Талая
На канал былі падпісаныя больш за 16 000 чалавек.
Ютуб выдаліў канал праўладнага актывіста-паралімпійца Аляксея Талая, заўважыў тэлеграм-канал «Віцебск, я гуляю».
На канал былі падпісаныя больш за 16 000 чалавек, гэта відаць з архіўнай копіі, створанай у 2024 годзе.
Цяпер на сайце актывіста размешчаныя бітыя спасылкі, яны вядуць на ўжо выдаленыя ролікі.
Аляксей Талай — паралімпіец, праўладны грамадскі дзеяч, які актыўна падтрымлівае вайну ва Украіне. Фонд Аляксея прывозіць у Беларусь дзяцей з акупаваных украінскіх тэрыторый а таксама пастаўляе дапамогу расійскім вайскоўцам.