У Быхаўскім раёне пажар знішчыў вагончыкі рабочых
12 лістапада раніцай у аграгарадку Мокрае Быхаўскага раёна адбыўся пажар. Гарэлі металічныя бытавыя вагончыкі, якія рабочыя выкарыстоўвалі для пераапранання, паведаміла прэс-служба МНС.
Падраздзяленні МНС, якія прыбылі на выклік у 7:14, аператыўна лакалізавалі ўзгаранне. Нягледзячы на іх дзеянні, маёмасць унутры памяшканняў выратаваць не ўдалося — яна цалкам знішчаная агнём.
Паводле папярэдніх звестак, прычынай магло стаць кароткае замыканне электраправодкі.