У Жлобінскім раёне МАЗ збіў насмерць 51‑гадовага веласіпедыста, што ехаў без флікераў
Смяротная аварыя здарылася сёння а 02:20 ночы на дарозе Мінск — Гомель.
58‑гадовы кіроўца аўтамабіля МАЗ, рухаючыся на 209‑м кіламетры аўтадарогі М-5 «Мінск — Гомель», здзейсніў наезд на 51‑гадовага веласіпедыста.
Веласіпедыст не быў абазначаны святловяртальнымі элементамі і, папярэдне, знаходзіўся на праезнай частцы ў левай паласе руху ў стане алкагольнага ап’янення, паведамілі ў міліцыі.