Уначы чакаецца моцны снег
У нядзелю надвор'е ў Беларусі будзе вызначаць уплыў атмасфернага фронту.
На большай частцы тэрыторыі ападкі (снег, мокры снег, па паўднёва-заходняй палове з дажджом), ноччу месцамі моцны снег.
Уначы і раніцай у асобных раёнах наліпанне мокрага снегу. На асобных участках дарог галалёдзіца.
Ноччу -1..-7°С, па ўсходзе пры праясненнях да -9°С, у заходніх раёнах 0..+3°С; максімальная днём -4..+2°С, па Брэсцкай і Гродзенскай абласцях да +6°С.