Лукашэнка памілаваў 123 зняволеных
Прэс-служба Лукашэнкі паведаміла, што ён прыняў рашэнне ў рамках дасягнутых дамоўленасцяў з прэзідэнтам ЗША Дональдам Трампам вызваліць 123 зняволеных.
«Кіраўніком дзяржавы прынята рашэнне аб памілаванні 123 грамадзян розных краін, асуджаных паводле законаў Рэспублікі Беларусь за здзяйсненне злачынстваў рознай накіраванасці — шпіёнскую, тэрарыстычную і экстрэмісцкую дзейнасць», — паведамляе прэс-служба Лукашэнкі.
Гэты жэст таксама зроблены нібыта «ў сувязі з просьбамі іншых кіраўнікоў дзяржаў і зыходзячы з гуманітарных прынцыпаў і агульначалавечых і сямейных каштоўнасцяў».
Паведамляецца, што ўсяго за апошні час, з улікам рашэнняў, прынятых Лукашэнкам у канцы лістапада, агульная колькасць памілаваных асоб складае 156 чалавек. Сярод іх — грамадзяне Вялікабрытаніі, ЗША, Літвы, Украіны, Латвіі, Аўстраліі, Японіі.
Чытайце таксама:
На волі Марыя Калеснікава. Вызвалены 123 палітвязня
Коўл: Лукашэнка мае вялікую гісторыю адносін з Пуціным, мае магчымасць даваць яму парады
Коўл пра перамовы з Лукашэнкам: Гаварылі пра будучыню і пра тое, як нармалізаваць адносіны