Прэс-сакратар МЗС Польшчы: Пачобут адмовіўся звяртацца да Лукашэнкі з просьбай аб вызваленні
Палітвязню Андрэю Пачобуту паступіла прапанова напісаць просьбу аб вызваленні, аднак ён адмовіўся, паколькі не жадае звяртацца да Аляксандра Лукашэнкі. Пра гэта заявіў прэс-сакратар МЗС Польшчы Мацей Вэвюр.
Андрэй Пачобут на судзе
Мацею Вэвюру журналісты задалі пытанне, ці праўда, што актывіст адмовіўся напісаць прашэнне аб вызваленні.
Па словах дыпламата, такая прапанова сапраўды існавала. Пачобут, аднак, яе не прыняў — і гэта, падкрэсліў прадстаўнік МЗС, не азначае спынення намаганняў па яго вызваленні.
Польшча працягвае працаваць над гэтым пытаннем сумесна з партнёрамі і будзе дамагацца вяртання Андрэя Пачобута на волю.
Чытайце таксама:
Андрэя Пачобута сярод вызваленых палітвязняў няма