Сярод вызваленых — школьны настаўнік фізкультуры з Баранавічаў
Ігар Ільюкевіч — настаўнік фізкультуры з баранавіцкай СШ № 1. Мужчыну затрымалі ў чэрвені 2024‑га года.
Школьнаму настаўніку паставілі ў віну адразу чатыры артыкулы: ч. 1 арт. 368 КК (абраза Лукашэнкі), арт. 369 КК (абраза прадстаўніка ўлады), ч. 3 арт. 361 КК (заклікі да санкцый і іншых дзеянняў, накіраваных на прычыненне шкоды нацыянальнай бяспецы РБ), ч. 1 арт. 130 КК (распальванне варожасці), піша «Вясна».
На запісаным сілавікамі відэа мужчына «прызнаецца», што нібыта пакідаў абразлівыя каментары пра міліцыянтаў і Лукашэнку.
Яго асудзілі да пазбаўлення волі, а ўчора прымусова вывезлі ва Украіну.