Германія плануе прыняць Віктара Бабарыку і Марыю Калеснікаву
Міністр унутраных спраў Германіі Аляксандр Добрындт заявіў тэлеканалу ARD, што яны гатовыя прыняць Віктара Бабарыку і Марыю Калеснікаву.
Фота: LookByMedia
«Мы прымем як мінімум двух выдатных дзеячаў дэмакратычнага руху з Беларусі, бо мы зацікаўленыя ў тым, каб гэты дэмакратычны рух, нават калі ён павінен развівацца за межамі краіны, быў узмоцнены», — падае яго словы DW Беларусь.
Міністр удакладніў, што размова пра Калеснікаву і Бабарыку, «якія адыгралі вялікую ролю ў дэмакратычным руху» і нядаўна былі вызваленыя.