Лукашэнка анансаваў размову з Трампам
Пра гэта ён паведаміў у інтэрв’ю амерыканскай тэлевізійнай кампаніі «Ньюсмакс», паведамляе БелТА.
Фота: Alexei Nikolski, Sputnik, Kremlin Pool Photo / AP
Гаворачы пра сітуацыю ў адносінах паміж ЗША і Венесуэлай, Аляксандр Лукашэнка адзначыў: «Я думаю, што ў найбліжэйшы час нам удасца пагаварыць на гэтую тэму з Дональдам Трампам. Я яму шмат чаго цікавага скажу».
Папярэдняя размова была 15 жніўня. Падчас той размовы абмяркоўваліся двухбаковы парадак дня і перспектывы развіцця ўзаемаадносін паміж Беларуссю і ЗША. Закраналася таксама рэгіянальная праблематыка, уключаючы канфлікт ва Украіне. Яны не абмінулі ўвагай і падзеі на Блізкім Усходзе.