МЗС Беларусі пахваліла Літву за змену рыторыкі, але афіцыйнага запыту ад Вільні на арганізацыю сустрэчы не паступала
Эвалюцыю публічных заяў літоўскага боку, які адышоў ад катэгарычнай адмовы ад любога палітычнага дыялогу, заўважыў прэс-сакратар Міністэрства замежных спраў Беларусі Руслан Варанкоў.
Фота: МЗС
«Хацелі б адзначыць эвалюцыю публічных заяў літоўскага боку, якая перайшла ад катэгарычнай адмовы ад любога палітычнага дыялогу да выказвання гатоўнасці да кантактаў на ўзроўні пасла ў асаблівых даручэннях», — сказаў Руслан Варанкоў.
Пры гэтым ён канстатаваў, што, «нягледзячы на такую змену рыторыкі ў медыяпрасторы, ніякай афіцыйнай прапановы або запыту на арганізацыю сустрэчы праз дыпламатычныя каналы ад Вільні не паступала».
Варанкоў дадаў, што «падобны разрыў паміж публічнымі заявамі і адсутнасцю канкрэтных афіцыйных крокаў абцяжарвае ацэнку рэальнасці намераў літоўскага боку».
Сёння стала вядома, што ў Літве дапусцілі транзіт беларускага калію і прапанавалі ўвязаць яго з прысутнасцю сіл ЗША ў краіне.
Беларусь дабіваецца перамоў з беларускім бокам на палітычным узроўні.
Днямі Лукашэнка агучыў, чаго ён дабіваецца ад Літвы.