Расія не збіраецца спыняцца. Міністэрства абароны РФ назвала задачы «СВА» на 2026 год
Галоўнай задачай для расійскай арміі на наступны год стане «захаванне і нарошчванне тэмпу наступлення ў зоне спецыяльнай ваеннай аперацыі», заявіў міністр абароны РФ Андрэй Белавусаў.
Разбураныя дамы ў выніку расійскай атакі ў Кіеве, 28 верасня 2025 года. Фота: AP Photo / Efrem Lukatsky
«Ключавая задача на наступны год — захаваць і нарасціць набраныя тэмпы наступлення», — сказаў Белавусаў на пашыраным пасяджэнні калегіі ведамства 17 снежня.
Уладзімір Пуцін у на гэтым жа пасяджэнні заявіў, што калі Украіна адмовіцца ад размовы «па сутнасці», Расія сілай даможацца вызвалення «сваіх гістарычных зямель».
«Задача стварэння і пашырэння буфернай зоны бяспекі таксама будзе паслядоўна вырашацца», — сказаў ён.
«Мэты «СВА», безумоўна, будуць дасягнутыя, а Расія даможацца вызвалення сваіх гістарычных тэрыторый», — сцвярджае ён.