Амерыканцы ўпершыню запрасілі на перамовы з украінцамі еўрапейцаў, катарца і турка
19 снежня ў Маямі для ўдзелу ў перамовах паміж ЗША і Украінай прыбудуць дарадцы па нацыянальнай бяспецы кіраўнікоў Германіі, Францыі і Вялікабрытаніі Гюнтэр Заўтэр, Эмануэль Бон і Джонатан Паўэл, паведамляе журналіст выдання Axios Барак Равід.
Кіраўнік Рады нацыянальнай бяспекі і абароны Украіны Рустэм Умераў і дарадца федэральнага канцлера Германіі па нацыянальнай бяспецы Гюнтэр Заўтэр на сустрэчы ў Берліне 15 снежня 2025 года. Фота: AP Photo / Markus Schreiber
Гэта першы раз, калі еўрапейскія прадстаўнікі будуць прысутнічаць у Маямі разам з перамоўцамі ад ЗША і Украіны Стывам Уіткафам і Рустэмам Умеравым. Умераў пацвердзіў, што еўрапейцаў на гэтую сустрэчу запрасілі амерыканцы.
Акрамя таго, у перамовах возьмуць удзел прадстаўнікі Турцыі і Катара — міністр замежных спраў Турцыі Хакана Фідана і эмір Катара Тамім Аль Тані, што сведчыць пра вельмі высокі ўзровень перамоў.
Чытайце таксама:
ЗША правядуць у Маямі перамовы з Расіяй аб завяршэнні вайны супраць Украіны
Зяленскі: ЗША перададуць Расіі абноўлены мірны план