Арына Сабаленка прайграла ў Дубаі «бітву палоў»
Аўстралійскі тэнісіст Нік Кір’яс упэўнена перамог першую ракетку свету сярод жанчын, беларуску Арыну Сабаленку, у дэманстрацыйным матчы пад назвай «Бітва палоў». Ён выйграў сустрэчу, не прайграўшы аніводнага сэту — 6:3, 6:3.
Арына Сабаленка і Нік Кір'яс пасля матчу. Фота: Amr Alfiky/Pool Photo via AP
Паядынак адбыўся ў Дубаі і доўжыўся 1 гадзіну 17 хвілін. Сабаленка, якая з’яўляецца чатырохразовай пераможцай турніраў Вялікага шлема, не змагла на роўных супрацьстаяць фіналісту Уімблдона-2022.
Матч праходзіў згодна са спецыяльнымі правіламі, створанымі для балансу сілаў. Кожнаму з удзельнікаў дазвалялася толькі адна падача — без другой спробы. Акрамя таго, частка корта, на якой гуляла Сабаленка, была паменшаная на 9% у параўнанні са стандартным памерам.
Абодва сэты згулялі ў звычайным фармаце — да шасці геймаў. У выпадку трэцяга сэту прадугледжваўся тай-брэйк да 10 выйграных балаў замест паўнавартаснай партыі, аднак да яго справа не дайшла.
Чытайце таксама:
НАК вызначыў найлепшых беларускіх спартсменаў і трэнераў 2025 года
Сабаленку другі год запар прызналі найлепшай тэнісісткай свету
Сабаленка адказала, ці збіраецца яна пераходзіць з беларускага пад іншы сцяг
Арына Сабаленка расказала, калі збіраецца нарадзіць і на што траціць прызавыя