Навагодні стол за 20 рублёў: беларуска паказала, што здолела купіць на такія грошы

Беларуска паказала, як арыгінальна падрыхтаваць застолле да свята, калі маеш абмежаваны бюджэт. Такі падыход не пакіне нікога абыякавым, піша BGMedia.

Скрыншот з відэа

Беларуска Ангеліна падзялілася відэаролікам, які ўразіў і насмяшыў многіх карыстальнікаў у сетцы. У ім дзяўчына паказала, як арыгінальна і з гумарам падрыхтаваць святочны стол, калі бюджэт вельмі абмежаваны. На ўсе стравы ў Ангеліны пайшло ўсяго 20 беларускіх рублёў.

@angie.kisul #новогоднийстол #столна20рублей #новогоднийстол #чтоприготовитьнановыйгод #новогодниерецепты ♬ оригинальный звук - natali_nostalgi

Замест дарагіх страў аўтарка роліка выкарыстала самыя простыя і танныя прадукты, надаўшы ім нечаканы выгляд. Так, замест звыклай салаты яна «падала» змейку з маянэзу, дадаўшы кавалачкі агурка для вачэй і вусікаў. Сваю кулінарную фантазію дзяўчына назвала салатай «Анаконда».

Страва «Анаконда». Скрыншот з відэа ў TikTok

Ролю дарагіх морапрадуктаў выканалі звычайныя вараныя сасіскі. Ангеліна парэзала іх так, каб яны нагадвалі васьміногаў, дадала «вочы» і ўпрыгожыла галаву маянэзам. Усю кампазіцыю яна выклала на лісце салаты «Айсберг».

Васьміног з сасісак. Скрыншот з відэа ў TikTok

Трэцяя закуска атрымала назву «сціплыя беланогія крэветкі». Насамрэч гэта салёныя агуркі, якія, як і папярэднія «стравы», атрымалі свае вочкі.

Агуркі як беланогія крэветкі (1 фота). Брускета з «зялёнай ікрой» (2 фота)

Сярод іншых «далікатэсаў» — тарталеткі з «грэчневай ікрой» (звычайнай грэчкай), а таксама брускета з «зялёнай ікрой», дзе ў ролі ікры выступіў зялёны гарошак.

Тарталеткі з «грэчневай ікрой». Скрыншот з відэа

«Вось такі шыкоўны стол атрымаўся ўсяго за 20 рублёў. Захавай сабе, каб не згубіць», — адзначае аўтарка пад відэа.

У каментарах пад ролікам шматлікія беларусы ацанілі ідэю дзяўчыны і паставіліся да яе з гумарам. Вось што яны напісалі ў каментарах:

• «Напэўна, яшчэ і рэшта засталася!»
• «Так можна не толькі на Новы год, але і на вяселле».
• «На бурак грошай не хапіла».
• «Шыкуеце».

Каментары да артыкула