Дзяржсакратар ЗША Рубіа: Мадура не прэзідэнт Венесуэлы, а кіраўнік наркакартэлю
Дзяржаўны сакратар Злучаных Штатаў Марка Рубіа сёння зноў апублікаваў у сацсетках свой допіс ад 27 ліпеня з крытыкай захопленага кіраўніка Венесуэлы.
Рубіа заявіў, што Нікалас Мадура не з'яўляецца прэзідэнтам Венесуэлы, а ягоны рэжым не ёсць легітымным урадам. Са слоў амерыканскага топ-чыноўніка, Мадура ўзначальвае «Картэль дэ лос Солес» (картэль сонцаў), які захапіў уладу ў краіне. Яго вінавацяць ва ўвозе наркотыкаў у ЗША.
Гэтым Марка Рубіа тлумачыць законнасць удараў па Каракасе і захопе Мадуры.