У Столінскім раёне мужчыну прыціснула аўтамабілем
У двары дома мужчына выконваў рамонт аўтамабіля, паставіўшы транспартны сродак на элементы тратуарнай пліткі.
Аўтамабіль упаў і прыціснуў уладальніка ніжняй часткай рухавіка да зямлі.
Цела мужчыны знайшоў сусед, які і паведаміў пра здарэнне. Для ўстанаўлення прычыны смерці 51‑гадовага мужчыны была прызначана судова-медыцынская экспертыза.
Эксперты пацвердзілі папярэдняе меркаванне: мужчыну насмерць прыціснула аўтамабілем, паведамляе Дзяржкамітэт судовых экспертыз.